Endlich geschafft!

So, liebi Lüüt... geschtr obe Ponkt 12 semmer am Ändi vo öisere Wett acho, mer hends aso tatsächlech useghaute, 4 Woche lang ohni ergendwelche sexuelli Belange dörs Läbe z cho. Mängisch eschs weniger schwär gfaue, a anderne Tag echli meh.

I weiss jo ned wes am S-Dance goht, ha ne leidr noni erreicht, abr i nehme scho no ah, daser sech werd mälde... hmm, meh nehmts Wonder, öber ächt äxtra bes am 12 ufblebe esch, om sech chönne z befreie...

I vo minere Siite här cha nome säge, das no nüt "gange" odr "gflosse" esch, i möcht doch no s Ergäbnis vo öisere Umfrag abwarte... Es geht auso no echlini Liidensziit (weni grad sälber ha müesse feschtstelle, hani mi chli ongscheckt verhaute ond d Omfrag be de Ufsetzig om 2 Täg verlängeret, GOD DAMN'it!!!)

s letscht Wochenänd esch no rächt läbendig gsih, mer send goh brötle ond nochäne no ad Styles goh Fraue aguggn... abr dasmou esch nömm so schlemm gseh, mer hend doch gwösst, das mer fasch am Ziel aglangt send. Dorom semmer ou nüechtern blobe ond hend trotzdem öise Spass gha (Es geht auch ohne Alkohol! has zwar ned dänkt, abr s esch tatsächlech wohr)

Jo, liebi Lüüt, mer wärde dä Blog secher no e ziitlang wiiterfüehre, jetzt müemer mou ofs Resultat vo de Abstimmig warte, ond de luege mer wiitr.

I möcht mi ganz härzlech be de Läser bedanke ond wönsche öich ganz vöu Liebi.

Greeeez

BeN.J.

PS: S-Dance, i ha en nöii Frisur. :D

Denkt an die Gesundheit!

Sali Ben.J.
Danke för din Comment, esch nätt, dass di ou weder mou gmäudet hesch, ha scho dänkt, besch i Underground gange ;).
Du hesch adütet wiiter z'mache, aber jää, das weissi noni so rächt, well vori eschmer grad e 2. Artiku i d'Händ grote, dassmer sech doch des öfteren sötti ustobe =)

Ond dä wöri gärn do enne platziere:

"Masturbieren schützt vor Krebs

SYDNEY – Männer, die sich oft selber befriedigen, profitieren angeblich doppelt. Denn Wissenschaftler wollen herausgefunden haben, dass regelmässiges Handanlegen das Risiko für Prostata-Krebs senkt.

Früher hiess es noch, Selbstbefriedigung mache blind und blöd. Jetzt behaupten australische Forscher, das Ganze sei für die Herren der Schöpfung sogar ein Mittel, um gegen Prostata-Krebs vorzubeugen.

Zu diesem Ergebnis sind die Experten laut «BBC News» gekommen, nachdem sie mehr als 1000 an besagtem Leiden erkrankte und 1250 gesunde Männer untersucht hatten. Dabei stellten sie fest, dass die Herren, die zwischen ihrem 20 und 50 Altersjahr am meisten masturbierten und dabei ejakulierten, das geringste Risiko für die besagte Krebs-Art hatten. Ganz genau sank das Risiko bei Männern, die mehr als fünfmal pro Woche einen Samenerguss hatten, um ein Drittel.

Der positive Effekt soll daran liegen, dass die Prostata bei jeder Ejakulation «durchgespült» und damit von Krebs-Zellen gereinigt wird.

Aber Vorsicht: Sexueller Verkehr hat nicht die gleich gesunde Wirkung. Denn dort besteht ein höheres Risiko für eine der zahlreichen Geschlechtskrankheiten, die wiederum ebenfalls Krebs erzeugen können. (gsc)"

Klar, de Reiz wär scho ergendwie do no betz wiiter z'mache, aber je meh, dass uf 's Ändi zuegoht, je me hetme doch ou ergedwie s'Verlange deno.
Weiss haut ned,we's be der usgseht ;)

Also mini liebe Lüüt...
Ehr wösset, was z'tue esch, wenn dr kei Prostatachräbs wennd becho.

Ehr Grusige ;)

I wönsch üch schöni "Gmeinsamkeite" bem gsond bliebe.

Es grüsst
Dr. Prof. eidg. Urologe S-Dance

Schlussspurt

So, i sött mi ou wedr mou z Wort mäude, nochdem i doch e chlini längeri Pause gmacht ha met poste. Ned daser no dänked i be nömm debi odr so... :-) be no vou am Start, haut eifach chli wenig Ziit gha om mini Gedanke in Wort umzmönze.

Zersch emou möchti am S-Dance no för sini wonderbar knätteti Traumfrau danke, sie gseht wörkli super sexy us... abr ergendwie fählt no das gewisse etwas, müemer de no zäme aluege.

Jäo, ond d Aprés-Ski Party esch ou no fätzig wene More gsih, esch wörkli abgange. Vo denn ah losi nor no di Zillertaler ond Mickie Krause. (Hier ist doch wieder einmal Alkohol im Spiel :)

S goht nömm lang, ond mer send "erlöst". Esch en interessanti Erfahrig bes jetzt, met sine Höchs ond Tüüfs. Die velle Fraue, wo emmer meh worde send, ond ond ond... I dänke, da Wochenänd werds es betzeli ruhiger, abr wär weiss, velecht haue mer glich no mou so rechtig chräftig of de Potz (Styles etc...)

Die letschte paar Täg send doch relativ schnäu verbi, abr i dänke, dass esch allgemein eso wenn s Ändi nöcher chonnt... Wär weiss, velecht wott de S-Dance jo das Ganze om nes Stöck verlängere, sozsäge d Nachspelziit no döremache, bes zom bittere Änd. :D chönnt mer eigentlech no es Voting mache. :D

Also, bes gli, Jungs ond Mädels

Es grüsst

BeN.J.

Après Ski Party

Die Besten Momentaufnahmen von Ben.J. , S-Dance & CO


Beachte den Herren links:D


Ben.J und ich haben glaubs noch nie so verschissen reingesehn...
Liegt wohl an unserer Abstinez... Ich hoffe die Bilder in 2 Wochen werden besser, denn am nächsten Dienstag ist unser Vorhaben vollendet.

Und bis jetzt ist es mir gut ergangen.. Nur eine Frage ist, ob die letztwöchige Depression von mir von der Abstinenz gekommen ist?!

Meine Traumfrau

So ond scho weder send paar Täg meh verbi set em Wochenänd ond i be ou grad mini Ferie meh oder weniger am gnüsse met e betz lehre.
Aber höt esch jo wohl de Bescht passiert, ha nämli es Gschänkli becho om me abzlänke vo mire Abstinänz.

Ond jo... jtz hani mol agfange chnätte ond do debi isch das usecho :D

Ja isch scho no cheibe sexy die Dame.. oder?
A dech Beni... Bitte lueg das Beld ned zlang a, well ja, die esch wörkli ächt scharf... haha, aber för me wärs vo Vorteil ;)

Ja guet.. ond, dassme no gseht, dassi das ned eifach so us mine Chenderspelsache gno han, sondern dass's DIE "Traumfraueknete" esch, hani no de Bewies deför :P

Ah ja.. ond je nach Ziit, woni han, werde secher no meh Belder Folge i de nöchschte paar Täg...
Hoffe fende no was kreativs use :D

Best Dreams wishes
S-Dance

Brää

Bewährigsprob bestande

So, i fende, sött mi ou wedr mou mälde noch einere Woche Onterbroch. Be halt eifach nie dezue cho, no z schribe, abr das chani hoffentlech verbessere. De S-Dance het jo anschiinend ned nor met de Prüefige ide Schuel z kämpfe, sondern ou met öisere Wett. :D Scho am Fritig Obe im öberföllte Havanna het er sini Ouge im Zehntelssekondetakt hin -und här gschwänkt, abr esch ou ergendwie verständlech gseh, be jo ou sälber döte gseh.

Am Samschtig hemmer de letscht Match gha gäge Brettnou, s Derby, wo jo scho ide Vorrondi sehr amusant (Kopfnuss usw.) usgfalle esch. Eigentlech hemmer wölle Revanche näh, abr das het damou wedr ned klappet, mer hend met 2 Goal Differänz verlore.

Nichtsdestotrotz het sech die ganz Mannschaft of de bevorstehend Obe met Apéro, mexikanischem Ässe ond aschliessender Party gfröit. Bes am Schloss esch d Stemmig heiter blobe, das ou dank ehm Alkoholverzehr, wo natürlech bemene Saisonabschloss vonere Handballmannschaft ned döf fähle. Das het de halt am hötige Sonntig zomene dopplete Kater gfüehrt...

Im Moonwalker het de S-Dance ond Ich s "Gschehe" eigentlech rächt guet onder Kontrolle gha, ond somet wedr en wechtigi Hürde för öisi Wett gnoh. Obwohls eim amigs juckt, :D, het mer doch s Ziel emmr no vor Ouge ond blibt konstant ofem rechtige Wäg.

I wönsche no allne e schöne Räschte ond bes gli.

Best Wishes BeN.J.

PS: Es nöis Voting werd nöchschtens gstartet, mer send öis nor no e originelli Abstemmig am usdänke.

Fazit nach 1nere Woche u. 2 Täg

So liebi Lüüt. De Beni und ich hend jetz ei woche ond 2 täg gschafft ond i gloube es gseht ned schlächt us, näch üsne Idröck.
Jedoch 53% send sehr skeptisch vo üch, dassmer das ned schaffe ond de andere 47%, dene danke mer natürli sehr, dass si zo üs halte :D ( Mer schaffe das!! ) :D
Jetz no zo minere Situation.
Mer gohts sehr guet, aber gloub dFroue wärde wörkli emmer schöner uf dere Wält :D
I gloubs mer wärde verfolgt Beni.. chch
Ja guet, die woche hani zwar noni so dMöglechkeit gha usschou zhalte, do's grad nochli zue und här gange esch i de Schuel, letschti Prüefige send no agseit ond so wiiter.
Aber am wocheend werdi secher gnüegend ziit ha, do es grosse Programm bevorstoht.
SA. 15.30 Match gäge Brettnou (TVZ:TVB 2. Liga) im BZZ ;)
denne nach dem gets mou e rondi bier ond mer begäbe üs is Federal zum Apero, aschliessend no go znacht ässse ond es Spöu go luege, om die Zähni werds wiiter go i Moonwalker, a die populär Party Pulp Fiction ond de luegi, dass de Ben.J. chli was ztue bechonnt :)

SO guet.. das wärs eigentli scho weder gsi.

PS:
Zo de Wett wo de Ben.J ond i hend.
Wenn de eint die 4 Woche ned öberstoht, muesser de ander zom Znacht ilade, jedoch fendemer, dass do no öpis dezue sött cho. Mer wäre auso ned abgneit, ergendwelche geniale Idee vo üch entgäge z'näh.
Also, loos gänd gueti Vorschläg!! Ehr send gfrogt.. LoL

Schöne Obe wönschi ond bliebet abstinänt! :D

Weekend 2

So i muen do gloub ou mou es Wörtli metrede, was so asech het met "dem" Wochenänd. Esch secher en spezielli Phase, do jo wie de Ben.J. scho erwähnt het, dass sWeekend emmer e ossergwöhnlechi Aglägeheit esch... Ond vorallem grad i dere Situation jtz.
Schöns Wätter, gueti Ziit, Früehligsafang, gsehsch öberau rammlendi Häsli etc.

Doch eis mueni no klarstelle, wieso i ned in Usgang be geschter zobe. Ha grad e strängi Woche vormer ond hamer eigentli vorgno chli vorzlehre, aber wies haut usecho esch, do chani mi ned wörkli dröber freue. Doch höt hets doch no glängt förne chlini Partie Bowling zLangethu ond do hetme de ben.J. scho fasch gseh Amok loufe.
Luuter Häslis send omeghöppslet ond de Ben.J het ned gwösst woäne met sine Ouge.
Doch mer hets ou chli eini ato, so esch ou mini Nederlag zerkläre, do es Häsli näbe öisere Bahn fasch ehres ganze Fähli abzoge het :P

Jo item. Jtz hämmer 1:36 i 24min hemmer 2:00 auso jo eigentli 3:00 do mer Früehligsafang hend, drom wöri mou säge, dassi mi langsam i mis bettli begebe ond dä Blog due beände.

Man sieht sich...

S-Dance

Weekend

s Wochenänd esch abroche, ond ner nor das, bekanntlech esch jo de Früehlig iglüütet worde ond d Sommerziit esch ou gli do (30.03. vo 2 of 3, för die wos noni wössed)... Früehlig, da bedüütet jo emmr chli ziit vo de Paarig ond de Liebi...

Hätti da ou vorem abschloss vo dere wett beröcksechtiget... jäno, müend haut d Hersche, d Reh ond die rammlige Karnickel ohni öis uscho.

Wochenänd esch natürlech ou emmr e spezielli Ziit. Aui Lüüt send guet droff, wöu sie ned müend goh schaffe, me trefft sech im Usgang, om diversi Aktivitäte uszüebe (gmeint send: Suufe, Rouche, Fraue (do dient s Wort Fraue als Öberbegreff ;-))...

Wemmer of de "Gass" esch, gseht mer ou emmr wedr nöii Lüüt, ond ab ond zue frogt mer sech, wohär de die höbschi feminine Wäse plötzlech aui uftouched. I ha jo da met de Frauequote scho mou erwähnt gha, abr am Wochenänd werds de wörkli u huara extrem. Nichtsdestotrotz haute mer öis natürlich zrogg ond schlörfe de a öisem Cola-Light ome... I be gspannt of die nöchschte interessannte Öbe ergendwo im Usgang, i hoffe, de S-Dance trout sech de ou wedr us sine 4 Wänd (ned so we am Fritig Obe :-)

s Wätter esch traumhaft, d Fraue zom Teil ou, mini Ussechte sends weniger, i dem Senn, gnüssed s Wochenänd trotzdem.

BeN.J.

Noch em Dürüm, es paar Bierli ond em Bsuech im MC...

... ond ehm ne no verheerendere Fuessballmatch esches Ziit worde, dasi wedr mou is Fitness be goh "pompe".

Geschtr Obe esch wörkli en Katastrophe gseh, es het eigentlech aues super Agfange, d Stemmig esch locker gseh, s Bier esch ofem Wäg is Stadion ned usgange ond öisi Lüüt hemmer ou ned verlore.

Noch dem hemmeltruurige Uftrett vo öisere Fuessballnati (v.a. ide 2 Halbziit) esch de leidr die gross Ernüechterig cho, ond so esch be de Heifahrt d Stemmig zemlech im Chäller gseh... Do het ou en Spöuanalyse nüt meh dezue bitreiht, dass d Schwiiz 0:4 of de "Sack" becho het.

Jäno, s Speli esch passé, jetzt heissts föreluege: Es send noni mou 4 Täg verbi, ond me persönlech dönkts, vo Tag zu Tag loufe meh höbschi Fraue omenand... esch ächt das wörkli so odr fokussiert mer sech z fescht of dä Gedanke, das mer momentan in Abstinenz läbt?! i de nöchschte Täg werd sech das of jede Fau usestöue... Drom esches wörkli en gueti Idee, mer tuet sim Körper öpis guets ond tribt echli Sport... ond noch de heisse Duschi, wo de Körper so rechtig schön regeneriert werd ond mer nor am ruusche vom Wasser, wo eim öbr die stahlherte Muskle abelouft (esch ned schlächt, he ;-), muess zuelose, füehlt mer sech doch wedr chli besser ond cha das Ziel met nöiem Schwong in Agreff näh.

So, gnueg poesiert, ciao a tutti

BeN.J.

Es sollte nicht sein...

Es war so ein gemütlicher Tag, doch die Hoffnung ist leider dahin geschmolzen. Ich war völlig fasziniert von meiner Stimmung und welche, die mich Umgab. Ich konnte nicht mehr anders, doch irgendwie musste es raus. Doch dann der Schock... Der Treffer zum 3:0 sagte mir, dass keine Hoffnung mehr bestand, das Spiel für die Schweiz zu gewinnen.
Ooh.. gab's ein Missverständnis? :P
Hm... Naja, man kann nun darüber diskutieren, ob man die Schweiz bei der EM teilnehmen lassen soll, oder nicht, denn das heutige Spiel verlief wohl unter jedem Hund!
Eigentlich schade, da sie doch einige Zeit hatten, um sich physisch wie auch psychisch auf das Spiel einzustellen, doch da liegt noch ein grosser Weg vor ihnen, um sich nicht blamieren zu müssen im Eröffnungsspiel.
Köbi, du musst ackern geh'n!

Und nun zum Eigentlichen.
Lockerer Tag, da ein Mittwoch eigentlich nicht derart spannend ist wie ein Donnerstag oder Freitig :D
Mehr dazu morge ;)
Schlaft schön meine Lieben... Hoffe ich krieg gleich mein Essen spendiert, wäre mal an der Zeit.
Gute Nacht
S-Dance

Nearly two days

Guete Obe metenand

I muess mi haut ouno chorz z Wort mäude, ond rasch mini erschte Idröck scheldere. I be sowiit ou wohlauf, die erschte beidi Täg send scho fascht döre, wenns so wiitergoht (wases äuä ned werd), beni zueversechtlech.

I muess no öpis zom S-Dance sim Text afüege, es stemmt zwar, das mer zäme i Usgang send, abr I ha ehm d Möglechkeit gäh, sech chorz vor de 12i no schnäu zroggzieh. ;-) Är hets abr tatsächlech loh si (man höre und staune), das verdient doch Respekt.

Bem S-Dance chönnte sine Schuelferie wörkli no zom Problem wärde, nemmt mi Wonder, wen är das de meischteret. Mou luege, velecht nehmi ou no 1 Woche frei, om em debi chli z onterstötze. :D

Also, mis Fazit noch knapp 46 Stond Enthaltsamkeit: D Wält esch no in Ordnig.

Schöni Nachtrueh allersiits

BeN.J.

Der erste Tag ist geschafft.

Esch doch no e langi Ziit gsi bes jetzt (doch scho 40h), aber em Momänt gsehts ned schlächt us, obwohli mi nöm ha chönne ustobe am Sonnti Obig :P, do mi de Ben.J het i Usgang müesse näh. Aber är het sech da wohl sehr z'härze gno ond de Sonnti Nomitag sehr gnosse.
Jo.. höt hani mer scho langsam paar öberlegige gmacht, was i 2 Woche werd si, well denn wäre dFrüehligsferie. Aber - i hoffes - ou das sötti öberstoh. Mol luege, was i 2 Woche denne do enne werd stoh.

So Ben.J .. i suech mou e Frou för de, wöu da Znachtässe wörmi scho no ahmache...
In Love S-Dance

Start

Hey zäme

Höt esch de erschti Tag vo öisem B&P AP, sprich Beni's & Pascal's Abstinenzprogramm... mer wösse jetzt noni i welere sproch mer dä blog sölle wiiterfüehre, mer hend jetzt mou in schwiizerdütsch agfange, es cha de abr ou si, das mer öisi posts in Schriftdeutsch veröffentleche.

Ehr froged öich secher, wemmer of sone idiotischi Idee, mou knapp 1 Monet lang of sexuelli Handlige jeglecher Art (das mer da eifach mou formell feschtgleiht hend) z verzechte. D Antwort esch: Mer wösses ou ned so genau. D Idee zo dem "Versuech" esch dä Wenter ergend amene gmüetleche Obe inere Bar odr imne Club ufcho, allerdengs het mer de das Projekt wedr chli uf d Siite usegschobe gha (froged de S-Dance werom ;-).

Chörzlech abr hemmer öis de doch entschede, das Thema wedr in Agreff z näh ond send jetzt doch scho sowiit, das mer hend chönne starte... Mer wärde öich im Verlouf vo de nöchschte 4 Woche usfüehrlechi Brechterstattig öber öise Alltag im Umgang met dere Enthaltsamkeit erstatte, ned chendergeiigneti Wörter odr Gschechte send ned usgschlosse, das en chline Hewiis zo de mögliche Inhält vo de Spots.

So, das wäri mou chorz d Ileitig gseh, das ehr läser ou ongföhr wössed, om was dases do öberhoupt goht.

See ya soon, ladies and gentlemen...