Hey zäme
Höt esch de erschti Tag vo öisem B&P AP, sprich Beni's & Pascal's Abstinenzprogramm... mer wösse jetzt noni i welere sproch mer dä blog sölle wiiterfüehre, mer hend jetzt mou in schwiizerdütsch agfange, es cha de abr ou si, das mer öisi posts in Schriftdeutsch veröffentleche.
Ehr froged öich secher, wemmer of sone idiotischi Idee, mou knapp 1 Monet lang of sexuelli Handlige jeglecher Art (das mer da eifach mou formell feschtgleiht hend) z verzechte. D Antwort esch: Mer wösses ou ned so genau. D Idee zo dem "Versuech" esch dä Wenter ergend amene gmüetleche Obe inere Bar odr imne Club ufcho, allerdengs het mer de das Projekt wedr chli uf d Siite usegschobe gha (froged de S-Dance werom ;-).
Chörzlech abr hemmer öis de doch entschede, das Thema wedr in Agreff z näh ond send jetzt doch scho sowiit, das mer hend chönne starte... Mer wärde öich im Verlouf vo de nöchschte 4 Woche usfüehrlechi Brechterstattig öber öise Alltag im Umgang met dere Enthaltsamkeit erstatte, ned chendergeiigneti Wörter odr Gschechte send ned usgschlosse, das en chline Hewiis zo de mögliche Inhält vo de Spots.
So, das wäri mou chorz d Ileitig gseh, das ehr läser ou ongföhr wössed, om was dases do öberhoupt goht.
See ya soon, ladies and gentlemen...
2 Kommentare:
ah so, i ha gmeint, es göi om d'abschtinänz vo alkohol, was öich bedne jo no schwärer döfti falle ;-)
chli en belligi kopie vo "40 Tage und 40 Nächte", aber so send die jonge vo höt.
gruess, dave (ha ou ned sone kuule schpetzname wie ehr) :-)
dasmou ned, dave :D
ha das Johr scho ohni Problem 6 Woche of Alkoholkonsum verzechtet, i ha gfonde, s esch a de Ziit, en nöie Useforderig aznäh.
Ja, de Felm het öis das natürlech scho verusgnoh, abr i dänke s esch trotzdem för öis 2 Teilnähmer en interessanti Erfahrig, a d Gränze z stosse. haha.
Die Spetznäme send wörkli kuul, gäll. Send eher zuefällig bem Bowle entstande.
Kommentar veröffentlichen